Жамбыл облысы әкімдігінің білім басқармасы Шу ауданының білім бөлімінің
"Антон Семенович Макаренко атындағы орта мектебі" КММ

МЕКТЕПТЕ "ДосболLIKE» БАҒДАРЛАМАСЫН ІСКЕ АСЫРУ НАУҚАНЫ ЖҮРГІЗІЛУДЕ!!! Жамбыл облысы, Шу ауданы, А.С. Макаренко атындағы орта мектебінде ағымдағы жылдың 7 қараша күні 4-сыныптың жетекшісі Адилгереева Индира Жолдыбаевна бастауыш сынып оқушыларымен «ДосболLIKE» бағдарламасына сәйкес, «Достық – татулық бастауы» тақырыбында тәрбие сағатын өткізді. Іс-шараның мақсаты – оқушылардың бойында достық, өзара сыйластық, көмек көрсету, татулық сияқты адами құндылықтарды қалыптастыру, сыныпта жағымды психологиялық ахуал орнату және балалар арасындағы қарым-қатынасты нығайту.

Сынып жетекшісі тәрбие сағатын оқушы жас ерекшелігіне сай түрлі әдіс-тәсілдермен қызықты ұйымдастырды. Атап айтқанда,

– «Дос деген кім?» сұрағына жауап алу арқылы ой қозғау;

– Мақал-мәтел, жұмбақ, жағдаяттық сұрақтар арқылы ой бөлісу;

– «Менің досым» тақырыбында жылы лебіздерін білдіру;

– «Жақсы дос – жанға серік» тренингі арқылы топтық жұмыс жүргізу. Тәрбие сағаты барысында оқушылар белсенділік танытып, достықтың адам өміріндегі маңызы туралы ой бөлісті. Сабақ соңында балалар бір-біріне жылы лебіздер айтып, «Досболайық бәріміз» тақырыбында әнімен аяқтады.

Тәрбие сағаты балаларға үлкен әсер қалдырды. Достық туралы түсінігі кеңейіп, олар өзара қарым-қатынаста бір-біріне көмектесуге, сыйлауға, түсінуге тырысты. Іс-шара «ДосболLIKE» бағдарламасының мазмұнына сәйкес сапалы әрі нәтижелі өткізілді.