2025 жылдың 22 желтоқсан күні Жамбыл облысы, Шу ауданы, А.С. Макаренко атындағы орта мектебінде оқушылардың қауіпсіздігін қамтамасыз ету мақсатында танымдық-түсіндіру іс-шарасы ұйымдастырылды. Іс-шараға Шу ауданының Төтенше жағдайлар бөлімінің аға инженері Пермебаев Марлен Берікбайұлы қатысты.
Кездесу барысында маман оқушыларға Жаңа жыл мерекесінде өрт қауіпсіздігі ережелерін сақтау маңыздылығын түсіндірді. Жасанды шыршалардың құрамындағы тез жанғыш заттар мен бенгал шамдары сияқты элементтердің аса қауіпті екенін айтты. Әсіресе шырша жанған жағдайда оның улы түтіні балалардың денсаулығына елеулі зиян келтіретінін ескертті.
Сонымен қатар, «Тайғақ жолда абайла» тақырыбында қысқы мезгілдегі қауіпсіздік ережелеріне арналған бейнеролик көрсетілді. - 
Бейнематериал арқылы оқушыларға көшеде, қоғамдық орындарда және үй жағдайында тайғақ кезінде өзін-өзі ұстау, жарақаттан сақтану жолдары түсіндірілді.
Іс-шара барысында «Балалардың отпен ойнауы» тақырыбында ЖАДЫНАМА таратылып, отпен ойнаудың салдары туралы нақты мысалдар келтірілді.Сондай-ақ, мектеп директорының құқықтық тәрбие ісі жөніндегі орынбасары апатты жағдай кезіндегі іс-әрекет, дұрыс тыныс алу техникасы, алғашқы көмек көрсету сияқты маңызды мәліметтермен бөлісті. Оқушыларға өрт сөндіру құрылғыларының түрлері көрсетіліп, олардың қолдану тәртібі таныстырылды.
Іс-шараның мақсаты:
- Оқушыларға төтенше жағдай кезіндегі әрекеттерді үйрету;
- Өрт қауіпсіздігін сақтау қажеттілігін түсіндіру;
- Қыс мезгілінде өзін-өзі қорғау мәдениетін қалыптастыру;
- Алғашқы көмек көрсету дағдыларын дамыту.
