Жамбыл облысы әкімдігінің білім басқармасы Шу ауданының білім бөлімініңА.С.Макаренко атындағы орта мектебінде 16 қаңтар күні мектеп инспекторы М.Кусайнов қазіргі таңда жол-көлік оқиғаларының алдын алу, әсіресе балалардың қауіпсіздігін қамтамасыз ету – маңызды мәселелердің бірі болып табылатынын негізге алып, 1-5 сынып оқушыларымен «Жол ережесін біліп жүр» тақырыбында түсіндірме жұмысын жүргізді.
Түсіндірме жұмысының негізгі мақсаты – оқушыларға жол қозғалысы ережелерін түсіндіру, олардың жолда өзін дұрыс әрі қауіпсіз ұстау дағдыларын қалыптастыру, жол-көлік оқиғаларының алдын алу.
Кездесу барысында инспектор оқушыларға жаяу жүргіншілерге арналған жол белгілері, бағдаршамның қызметі, жолдан дұрыс өту ережелері туралы жан-жақты мәлімет берді. Сонымен қатар, балаларға жолдың тек белгіленген жерінен өту, бағдаршамның жасыл түсін күту, көлік жүріп жатқан жолға кенеттен шықпау керектігі түсіндірілді. Нақты өмірден алынған мысалдар келтіріліп, суреттер мен көрнекі құралдар қолданылды.
Түсіндірме жұмысы барысында оқушылар белсенділік танытып, өздерін қызықтырған сұрақтарын қойды. Инспектор балалардың сұрақтарына толық жауап беріп, жолда жүру ережелерін сақтаудың маңыздылығын ерекше атап өтті.
Жоғарыда аталған тақырып аясында жүргізілген түсіндірме жұмыстары бастауыш сынып оқушыларының жол қауіпсіздігі туралы білімін арттырып, олардың өмірі мен денсаулығын сақтауға үлкен үлес қосады. Мектеп инспекторы тарапынан берілген мәліметтер балалардың күнделікті өмірде жол ережесін сақтап жүруіне ықпал етеді.
