Бүгін, 1 қыркүйек – Білім күніне орай А.С. Макаренко атындағы орта мектебінде жаңа оқу жылының басталуына арналған салтанатты жиын өтті.
Бұл – ерекше күн! Жаңа оқу жылы, жаңа белестер мен жаңа мүмкіндіктердің бастауы.
Ал мектеп – тек білім ордасы емес, ол – мейірім мен шуаққа толы мекен.
Салтанатты жиынды мектеп директоры А.Тунгатаров ашып, оқушылар мен ұстаздарға жүрекжарды тілегін арнады.
Сонымен қатар, Ата - аналар кеңесінің төрағасы Т. Абдулбаев құттықтау сөз сөйлеп, жаңа оқу жылында табыс пен ынтымақ тіледі.
Алғашқы қоңырау үні сыңғырлап, мектеп ауласын шаттыққа бөледі. Оқушылардың әсем әні мен биі мерекенің шырайын аша түсті.Мектебіміз – мейірім мен білімнің ордасы.
Жаңа оқу жылы жарқын болсын! Баршаңызға сәттілік тілейміз!
