А.С.Макаренко атындағы орта мектебінде 2025 жылдың қазан айының 15-жұлдызында ата -аналарды педагогикалық қолдау орталығының жоспарына сәйкес 1-4 сынып ата-аналары арасында «Бала жетістігінің кілті – ата-ананың қолдауы» / «Ключ к успеху ребенка – поддержка родителей» тақырыбында бастауыш сынып мұғалімдері Қолдасьекова С. және Абилдаева И. сабақ өткізді.
Жиналыс педагогикалық қолдау орталығы бағдарламасы аясында ұйымдастырылды. Жиналыс барысында мектеп директоры А.А.Тунгатаров сөз алды. Мектеп директорының құқықтық ісі жөніндегі орынбасары Р.Исмаилова бала құқығы туралы түсіндірме жұмысын өткізді. Мектеп директорының тәрбие ісі жөніндегі орынбасары А.Омарова мектеп формасының сақталуы туралы сөз сөйледі. Мектеп медбикесі Г.Арипова “Тұмауға қарсы вакцина” туралы түсіндіріп өтті. Мектеп психологтары Ченсызбаева Ж. мен Кантарбаева Ж. ата-аналарға тренинг жүргізді.
Іс-шараның мақсаты – ата-аналардың тәрбиелік әлеуетін арттыру, мектеп пен ата-ана арасындағы өзара серіктестік қарым-қатынасты нығайту, баланың жетістігіне ата-ананың қолдауының маңыздылығын түсіндіру болды.
Кездесу барысында педагогикалық қолдау орталығының мамандары ата-аналарға бала тәрбиесінде оң психологиялық орта қалыптастыру, ынталандыру, қолдау көрсету тәсілдері туралы кеңес берді. Сонымен қатар, ата-аналар өз ойларымен бөлісіп, баланың оқудағы және мінез-құлықтағы жетістігін қалыптастырудағы өз рөлдерін талқылады.
Жиналыс жылы қарым-қатынаста, өзара пікір алмасу түрінде өтті.
Қорытынды: Іс-шара ата-аналардың педагогикалық мәдениетін арттыруға және мектеп пен отбасы арасындағы серіктестік байланысын нығайтуға ықпал етті.
