2025 жылдың 7 қараша күні Оқушылар сарайында “Адал азамат – Әділетті Қазақстанның жарқын келбеті” тақырыбында аудандық жалпы оқушылармен кездесу өтті.
А.С. Макаренко атындағы орта мектебінен 9-10-11 сынып оқушылары қатысты.
Жауапты болған А.Тұрғынбай оқушылардың қауіпсіздік шараларын қамтамасыз етті.
Іс-шараның мақсаты – оқушылардың бойында адалдық, әділдік, жауапкершілік, патриоттық сияқты ізгі қасиеттерді қалыптастыру, сондай-ақ “Әділетті Қазақстан” идеясын насихаттау болды.
Кездесуде аға инспектор Н. Акбергенович оқушының міндетін, мектеп формасын жайында және оқушылардың қауіпсіздігі жайында айта кетті. Сонымен қатар бала тәрбиесі жөнінде А. Болатқызы түсіндірме жұмысын жүргізді. Шара барысында қатысушылар адалдық пен азаматтық ұстанымның қоғамдағы маңызын талқылап, өз ой-пікірлерімен бөлісті. Сонымен қатар, белсенді оқушылар мен жас көшбасшылардың адалдық тақырыбында дайындалған көріністері мен бейнероликтері көрсетілді.
Кездесу соңында қонақтар мен оқушылар “Адалдық – адам бойындағы ең асыл қасиет” деген ортақ ой түйді.
