Жамбыл облысы әкімдігінің білім басқармасы Шу ауданының білім бөлімінің
"Антон Семенович Макаренко атындағы орта мектебі" КММ

2025 жылдың қараша айында Жамбыл облысы Шу ауданының білім бөлімінің А.С. Макаренко атындағы орта мектебінде мектеп оқушылары арасында жол-көлік оқиғаларының алдын алу, қауіпсіздік мәдениетін қалыптастыру мақсатында жол-патрульдік полиция қызметкерлерімен бірлескен "Жол ережесін сақта,жасөспірім!" тақырыбында практикалық түсіндірме жұмысы жүргізілді.

Іс-шара барысында мектеп инспекторы мен патрульдік полиция қызметкерлері оқушыларға *жол жүру ережелерінің маңызы*, жаяу жүргіншілердің қозғалыс тәртібі, жол белгілерінің мағынасы, сондай-ақ мектеп маңындағы жолдан дұрыс өту жолдары туралы жан-жақты ақпарат берді. Балалармен жол қозғалысының дұрыс үлгісі* көрсетіліп, түрлі жағдаяттар бойынша практикалық іс-шаралар көрсетілді.

Негізгі қарастырылған тақырыптар:

- Жол белгілерін танып, қолдану дағдыларын қалыптастыру;

- Өзін-өзі жолда қауіпсіз ұстау тәсілдері;

- Қауіпті аймақтар мен жол бойындағы негізгі ережелер.

Іс-шара барысында оқушылар жол ережелері бойынша сұрақтарға жауап беріп, өз білімдерін көрсетті. Іс-шара соңында полиция қызметкері мектеп оқушыларына бейне үндеу жолдады. Үндеу мазмұны:

Полиция қызметкерлері оқушыларға жолда абай болу, жол қозғалысы ережелерін қатаң сақтау, жаяу жүргіншілер жолағынан ғана өту, құлаққап пен телефон қолданудан аулақ болу туралы үндеу жасады. Сонымен қатар, кәмелетке толмаған жасөспірімдердің велосипед секілді құралдарды пайдаланған кезде де сақ болу қажеттігі ескертілді. #Актуальные #Шу_ауданы_білім_бөлімі #ҚАУІПСІЗ_ОРТА_ҚАЛЫПТАСТЫРУ #Жол_көлік_оқиғаларының_алдын_алу