Жамбыл облысы әкімдігінің білім басқармасы Шу ауданының білім бөлімінің
"Антон Семенович Макаренко атындағы орта мектебі" КММ

МЕКТЕПТЕ "ДосболLIKE» БАҒДАРЛАМАСЫН ІСКЕ АСЫРУ НАУҚАНЫ ЖҮРГІЗІЛУДЕ!!! 2025 жылдың 14 қараша күні Жамбыл облысы, Шу ауданы, А.С. Макаренко атындағы орта мектебінің 2 "Ә" сыныбының жетекшісі И.Диханбаева «Жақсылықты бірге жасайық» тақырыбында тәрбие сағатын өткізді

Іс-шараның мақсаты:

• Оқушыларды достыққа, мейірімділікке, ізгілікке тәрбиелеу;

• Жақсы істер жасауға, бір-біріне қамқор болуға баулу;

• Бірлесіп жұмыс істеу арқылы сынып ішіндегі ынтымақтастық пен ұжымдық рухты арттыру.

Тәрбие сағаты ойын-сабақ, ән айту, шығармашылық тапсырмалар, трендтік бейнежазба түсіру форматында ұйымдастырылады.

Іс-шара барысында мұғалім оқушылармен бірге «Жақсылық деген не?» тақырыбында ой қозғап, балалардың пікірлерін тыңдады.Әңгіме барысында достық, өзара сыйластық, көмек беру туралы мысалдар келтірілді. Оқушылар «Жақсылық шеңбері» ойынында әр бала өз көршісіне жылы сөз, тілек айтып, «Дос» тақырыбында мақал-мәтелдер айтып жарысып, «Дос болайық бәріміз" тақырыбында ән шырқады.

Іс -шара соңында «Жақсылық ағашы» – әр топ өздері жасаған жақсы істерін жапырақтарға жазып, "Жақсылық ағашы" атты плакатқа орналастырды. Тәрбие сағатына белсенді қатысқан оқушыларға «Жақсылық елшісі» атағы берілді.

Іс шара соңында сынып жетекші «Жақсылық күнделігі» атты күнделік бастауды ұсынды

МЕКТЕПТЕ "ДосболLIKE» БАҒДАРЛАМАСЫН ІСКЕ АСЫРУ НАУҚАНЫ ЖҮРГІЗІЛУДЕ!!! 2025 жылдың 17 қараша күні Жамбыл облысы, Шу ауданы, А.С. Макаренко атындағы орта мектебінің 4 "Ә" сыныбының жетекшісі А.Нұрадин ««ДОСБОЛLIKE – Буллингтен қорған!», «Сөздің ұлы күші» және «Шұғыл қызметтер мен байланыс орталықтарының телефон нөмірлері» тақырыбында тәрбие сағатын өткізді.

Сынып сағатының мақсаты – оқушыларға сөздің күші, әсері, тәрбиелік рөлі туралы түсінік беру, әдептілік, сыйластық және жауапкершілік құндылықтарын қалыптастыру. Қауіпсіздік сабағының мақсаты – шұғыл қызмет нөмірлерін дұрыс қолдануға үйрету, төтенше жағдайда дұрыс әрекет етуді меңгерту.

Сынып сағаты барысында «Жалғастыр», «Не істеуге болмайды?», «Не істеу керек?» ойындары, жағдаяттық талдау және шығармашылық тапсырмалар қолданылды. Оқушылар сөздің эмоционалдық әсерін, оның күшін, адам өміріндегі орнын түсінетін тапсырмалар орындады. Қауіпсіздік сабағында сұрақ-жауап, жағдаятты шешу, «Қызметті тап» ойыны, рөлдік тапсырмалар, жедел қызмет нөмірлерін жаттау және рефлексия әдістері пайдаланылды.

Оқушылар сөздің адамға әсер ететін күшін түсінді, жақсы сөздің тәрбиелік мәнін ұғынды, өз ойын мәдениетті жеткізу дағдылары қалыптасты. Әдептілік, жауапкершілік және сыйластық қасиеттері дамыды. Шұғыл қызмет нөмірлерін (101, 102, 103, 104, 112, 111) дұрыс қолдануды меңгерді. Төтенше жағдайларда дұрыс әрекет ету және ақпаратты нақты жеткізу қажеттілігін түсінді.

Сынып сағаты мен қауіпсіздік сабағы жоспарға сай өткізілді.

МЕКТЕПТЕ "ДосболLIKE» БАҒДАРЛАМАСЫН ІСКЕ АСЫРУ НАУҚАНЫ ЖҮРГІЗІЛУДЕ!!! 2025 жылдың 17 қараша күні Жамбыл облысы, Шу ауданы, А.С. Макаренко атындағы орта мектебінің 2 "А" сыныбының жетекшісі А.Құсабаева «Достық – татулықтың негізі» тақырыбында тәрбие сағатын жүргізді. Іс-шараның мақсаты оушылардың достық туралы түсініктерін кеңейту, бір-біріне деген сыйластық, құрмет сезімдерін арттыру, ұжымда тату қарым-қатынас қалыптастыру.

Сабақ барысында оқушылар:

- Достық туралы мақал-мәтелдермен танысты;

- «Мен досымды ренжіте алмаймын, себебі...» және т.б. сөйлемдерді толықтырып, өз ойларын айтты;

- Топпен жұмыс жасап, «Достық ережелерін» ойлап тапты;

- «Сынып ұраны» мен «Қарым-қатынас жадынамасын» құрды.

Сабақ өз деңгейінде өтті. Оқушылар белсенділік танытып, тақырыпқа қызығушылықпен қатысты. Достық, сыйластық, бірлік құндылықтары жайлы білімдерін кеңейтті. Барлық оқушы өз ойын айтып, бір-бірін тыңдауға және құрметтеуге дағдыланды. Тақырып бойынша мақсатқа қол жеткізілді.