Жамбыл облысы әкімдігінің білім басқармасы Шу ауданының білім бөлімінің
"Антон Семенович Макаренко атындағы орта мектебі" КММ

А.С. Макаренко атындағы орта мектебінде “Ата-аналарды қолдау орталығының”жылдық жұмыс жоспарға сәйкес,

ата-аналармен сынып жетекшілері Халық.А және Беремкулова.А сабақ өткізді .

Жиналыс барысында төмендегі мәселелер қаралды:

1. Оқу-тәрбие процесіндегі ата-аналардың рөлі мен мектеппен қарым-қатынасты нығайту.

2. Оқушылардың оқу үлгерімі, тәртібі және психологиялық ахуалы туралы ақпарат беру.

3. Ата-аналарға қолдау көрсету бағытындағы орталықтың қызметтерімен таныстыру.

4. Мектеп пен ата-аналар арасындағы бірлескен іс-шаралар жоспарын талқылау.

5. Үй жағдайында баланың сабаққа дайындығын ұйымдастыру бойынша ұсыныстар беру.

Жиналысқа қатысқан ата-аналар көкейдегі сұрақтарын қойып, ұсыныстарын білдірді.

Іс-шара жоспарға сәйкес жоғары деңгейде өткізілді.

 

 

Жамбыл облысы әкімдігінің білім басқармасы “Ғылыми-тәжірибелік дене шынықтыру орталығы” бойынша А.С.Макаренко мектебінің оқушылары оқу орны ұйымдастырған спорттық іс-шараларға тұрақты түрде әрі белсене қатысты. Командалық ойындарда ұйымшылдық танытып, спорт ережелерін сақтай отырып үздік нәтиже көрсетті. Олардың спортқа деген қызығушылығы мен жауапкершілігі ерекше атап өтіледі.

Облыстық “Ұлттық мектеп лигасы” ұйымдастырған іс-шарада футбол спорт түрінен 7-8 сынып (қыздар) арасында III орын алған:Рамазанова Тахмина

“Балдәурен” облыстық турнирінде II орын алған:Бахарчиева Тамилла

Усман Айша

Төрехан Даная

Оразхан Аянат

Баядилова Сания

Жәнібек Кәусар

Облыстық “Ұлттық мектеп лигасы” ұйымдастырған іс-шарада футбол спорт түрінен 7-8 сынып (қыздар) арасында жалпы командалық есепте III орын алған:А.С.Макаренко орта мектебі

Аудандық 7-8 сынып (қыздар) арасында өткізілген жарыста жүлделі I-орын иеленген:А.С.Макаренко орта мектебінің командасы.

Спорт алаңына шыққан әр оқушы – өз әлемінің чемпионы.Әр қадамы – жігер, әр жеңісі – еңбектің жемісі. Осы белсенділіктің арқасында олар мектебіміздің мақтанына айналып отыр.

Мектебіміздің мақтаныштары,алдыңғы келер жарыста сәттілік тілейміз!

 

 

МЕКТЕПТЕ "ДосболLIKE» БАҒДАРЛАМАСЫН ІСКЕ АСЫРУ НАУҚАНЫ ЖҮРГІЗІЛУДЕ!!! 2025 жылдың 17 қараша күні Жамбыл облысы, Шу ауданы, А.С. Макаренко атындағы орта мектебінің 4 "Ә" сыныбының жетекшісі А.Нұрадин ««ДОСБОЛLIKE – Буллингтен қорған!», «Сөздің ұлы күші» және «Шұғыл қызметтер мен байланыс орталықтарының телефон нөмірлері» тақырыбында тәрбие сағатын өткізді.

Сынып сағатының мақсаты – оқушыларға сөздің күші, әсері, тәрбиелік рөлі туралы түсінік беру, әдептілік, сыйластық және жауапкершілік құндылықтарын қалыптастыру. Қауіпсіздік сабағының мақсаты – шұғыл қызмет нөмірлерін дұрыс қолдануға үйрету, төтенше жағдайда дұрыс әрекет етуді меңгерту.

Сынып сағаты барысында «Жалғастыр», «Не істеуге болмайды?», «Не істеу керек?» ойындары, жағдаяттық талдау және шығармашылық тапсырмалар қолданылды. Оқушылар сөздің эмоционалдық әсерін, оның күшін, адам өміріндегі орнын түсінетін тапсырмалар орындады. Қауіпсіздік сабағында сұрақ-жауап, жағдаятты шешу, «Қызметті тап» ойыны, рөлдік тапсырмалар, жедел қызмет нөмірлерін жаттау және рефлексия әдістері пайдаланылды.

Оқушылар сөздің адамға әсер ететін күшін түсінді, жақсы сөздің тәрбиелік мәнін ұғынды, өз ойын мәдениетті жеткізу дағдылары қалыптасты. Әдептілік, жауапкершілік және сыйластық қасиеттері дамыды. Шұғыл қызмет нөмірлерін (101, 102, 103, 104, 112, 111) дұрыс қолдануды меңгерді. Төтенше жағдайларда дұрыс әрекет ету және ақпаратты нақты жеткізу қажеттілігін түсінді.

Сынып сағаты мен қауіпсіздік сабағы жоспарға сай өткізілді.

. #Актуальные

#ДосболLIKE_бағдарламасы #Науқан #Шу_ауданы_білім_бөлімі