Жамбыл облысы әкімдігінің білім басқармасы Шу ауданының білім бөлімінің
"Антон Семенович Макаренко атындағы орта мектебі" КММ

Мақсаты: Ұлы ғалым Шоқан Уалихановтың өмірі мен еңбегін насихаттау, оқушылардың тарихқа деген қызығушылығын арттыру, ұлттық тұлғаларды құрметтеу мәдениетін қалыптастыру. Кітапханашы Б. Исатаеваның ұйымдастыруымен Іс-шара барысында оқушылар қазақтың ұлы ғалымы, этнографы және саяхатшысы Шоқан Уалихановтың өмірі мен ғылыми мұрасы туралы жан-жақты мәлімет алды. Сонымен қатар, Шоқан Уалиханов туралы деректі фильм көрсетіліп, оқушылар тақырып бойынша ой бөлісті.

 

Мақсаты: Оқушыларға еліміздің Тәуелсіздік жолындағы күресі мен тарихи кезеңдерін, жетістіктерін таныстыру; отансүйгіштік пен ұлттық рухты қалыптастыру.

Аталған тақырып аясында мектепте «Желтоқсан — ызғарлы жел соққан күн» атты көрме ұйымдастырылды. Көрмеге Қазақстан Республикасының Тәуелсіздік тарихына, мемлекеттік рәміздерге, «Мәңгілік ел» ұлттық идеясымен қатар, ел дамуы мен жетістіктерін баяндайтын әдебиеттер, деректі кітаптар мен танымдық басылымдар қойылды.

Сонымен қатар, Тәуелсіздік жылдарындағы маңызды оқиғалар мен тарихи тұлғалар туралы материалдар ұсынылды. Іс-шара оқушылардың ел тарихына деген қызығушылығын арттырып, жас ұрпақты Тәуелсіздікті қадірлеуге және оны қорғауға, нығайтуға тәрбиелеуге бағытталды.

 

Мақсаты: Жас ұрпаққа Тәуелсіздіктің қадір-қасиетін ұғындыру, ел тарихына деген құрметті арттыру, оқушылардың рухани және танымдық білімін кеңейту.

Тәуелсіздік мерекесіне орай мектеп оқушыларының қатысуымен қалалық кітапханамен бірлесе отырып «Тәуелсіздік әр қазақтың жанында» тақырыбы аясында көрме ұйымдастырылды. Іс-шара барысында мектеп кітапханашысы Б. Исатаева Тәуелсіздік жолындағы тарихи кезеңдерге арналған кітап көрмесін таныстырып өтті.

Оқушылар көрмеге белсенді қатысып, сұрақтар қойып, өз ойларымен бөлісті. Іс-шара тәрбиелік мәні жоғары, танымдық бағытта өтті.

 

 

Мақсаты: Оқушыларға Тәуелсіздік ұғымының маңызын түсіндіру, ел тарихына деген құрметті қалыптастыру, патриоттық сезім мен отансүйгіштікке тәрбиелеу.

Салтанатты жиын барысында мектеп директоры А.А. Тунгатаров Тәуелсіздік күнімен құттықтап, еліміздің жарқын болашағына тілегін білдірді оқушылар ел тарихына шолу жасап, өлеңдер оқып, патриоттық әндер шырқалды.