Жамбыл облысы әкімдігінің білім басқармасы Шу ауданының білім бөлімінің
"Антон Семенович Макаренко атындағы орта мектебі" КММ

А.С. Макаренко атындағы орта мектебінде «Менің берік отбасым» тақырыбында 1-сынып ата-аналарымен мектеп психологы Ж.Ченсызбаева психологиялық кеңес өткізді.

Кеңестің негізгі мақсаты – ата-аналарға отбасындағы береке-бірліктің бала тәрбиесіндегі маңызын түсіндіру, отбасы мүшелері арасындағы өзара түсіністік пен сыйластықты нығайту, ата-аналардың педагогикалық және психологиялық мәдениетін арттыру болды.

Шара барысында психолог ата-аналарға жағдаяттық тапсырмалар мен сұрақ-жауап әдістері арқылы тиімді қарым-қатынас орнатудың жолдарын көрсетті. Сонымен қатар, ата-аналар өз ойларымен бөлісіп, отбасылық құндылықтарды сақтау мен нығайтуға қатысты пікір алмасты. Мектеп психологы ата-аналардың WhatsApp желілеріне психологиялық кеңес жадынамаларын таратты.

 

А.С. Макаренко атындағы орта мектебінде «Менің бақытты отбасым» тақырыбында сурет байқауын технология пән мұғалімі А.Баялбекова өткізді. Байқаудың негізгі мақсаты – оқушылардың шығармашылық қабілеттерін дамыту, отбасы құндылықтарын дәріптеу, әр баланың өз отбасына деген сүйіспеншілігін сурет арқылы жеткізе білуге баулу болды.

Шараға 5-6-7 сынып оқушылары белсене қатысып, өз отбасын қуаныш пен шаттықтың, мейірім мен бірліктің ордасы ретінде бейнеледі. Әрбір жұмыс оқушылардың қиялы мен өнерге қызығушылығын, сондай-ақ отбасына деген мақтаныш сезімін айқын көрсетті.

 

А.С.Макаренко атындағы орта мектебінің “Отбасы -бақыт мекені” атты Республикалық апталықтық жоспарына сәйкес “Отбасы құндылықтары” тақырыбында интернат меңгерушісі Г.Адамжанова, интернат тәрбиешісі Ү.Байғараева ата-аналармен кездесу ұйымдастырды. Кездесу барысында ата-аналар мектебімізге экскурсия жүргізіліп, интернаттың ішкі тәртібімен таныстырды. Мектеп медбикесі асханада интернат тәрбиеленушілердің ас мәзірімен таныстырып өтті.

«Отбасы құндылықтары» тақырыбында ата-аналармен кездесу мақсаты:

• Ата-аналарға отбасының қоғамдағы маңызы мен орны туралы түсінік беру;

• Отбасындағы ұлттық және жалпыадамзаттық құндылықтарды дәріптеу;

• Ата-ана мен бала арасындағы сыйластықты, өзара түсіністік пен жауапкершілікті нығайту;

• Бала тәрбиесінде отбасының шешуші рөлін айқындау;

• Қатысушыларды отбасылық бірлік пен татулықты сақтауға, өнегелі тәрбие беруге баулу.