Жамбыл облысы әкімдігінің білім басқармасы Шу ауданының білім бөлімінің
"Антон Семенович Макаренко атындағы орта мектебі" КММ

Оқушы қыздармен жұмыс жүргізудің ең маңызды әдісі – кеңес беру!!!

Жамбыл облысы әкімдігінің білім басқармасы Шу ауданының білім бөлімінің А.С. Макаренко атындағы орта мектебінде Баланың зорлық– зомбылықтан қорғау ,суицидтің алдын алу және олардың саламаттылығын қамтамасыз ету жөніндегі 2023-2025 жылдарға арналған ҚР Үкіметінің 31 .08.2023ж. № 748 қаулысына сәйкес, кәмелетке жасы толмаған оқушы қыздар арасында ерте жүктіліктің алдын алуға байланысты түсініктерін қалыптастыру отырып, денсаулықты сақтауға бағытталған жауапты шешім қабылдай білуге тәрбиелеу мен медициналық сауаттылықты арттыру мақсатында Шу қалалық емханасының жастар денсаулық орталығының маманы Оспанова Есен Алмешовна "Репродуктивті денсаулықты сақтау мен өнегелі жыныстық тәрбие"тақырыбында ақпараттық- түсіндірме жұмыстарын жүргізді.

Кездесу барысында Оспанова Есен Алмешовна

- жасөспірімдер арасында жиі кездесетін ерте жүктіліктің себептері мен салдарын түсіндірді;

- ерте жүктіліктің физикалық және психологиялық тұрғыдан қыз балаға тигізетін зиянды жақтарына тоқталды;

- өз-өзін бағалау, жеке шекара, өмірлік маңызы бар шешім қабылдау тақырыптарында кеңес берді;

- санитарлық-гигиеналық тәртіп пен репродуктивті денсаулықты сақтау жолдары жайында мағлұмат берді.

Кездесу сұрақ-жауап форматында жүргізілді.Іс-шара барысында

қыз балалар өздерін қызықтырған сұрақтарын қойып, ашық пікір алмасты. Маман барлық сұрақтарға кәсіби тұрғыдан жауап беріп, сенімді қарым-қатынас орната білді.

Е.Оспанова жасөспірімдер үшін маңызды тақырыптарды қозғап, қыздарды болашақта денсаулығына жауапкершілікпен қарауға шақырды. Алдағы уақытта да жоғарыда аталған бағыттағы кездесулер жалғасын табатын болады.

БУЛЛИНГ және БОЛАШАҚ. Жамбыл облысы әкімдігінің білім басқармасы Шу ауданының білім бөлімінің А.С. Макаренко атындағы орта мектебінде Баланың зорлық– зомбылықтан қорғау ,суицидтің алдын алу және олардың саламаттылығын қамтамасыз ету жөніндегі 2023-2025 жылдарға арналған ҚР Үкіметінің 31 .08.2023ж. № 748 қаулысына сәйкес, мектеп жанындағы интернат тәрбиеленушілерімен мектеп инспекторы, полиция аға лейтенанты М.Құсайнов «Буллинг пен кибербуллингтің салдары» тақырыбында профилактикалық түсіндірме жұмысын жүргізді.

Іс-шараның мақсаты – тәрбиеленушілер арасында қауіпсіз орта қалыптастыру, буллинг пен кибербуллинг әрекеттерінің алдын алу, оның салдары мен заңдық жауапкершілігі жөнінде ақпарат беру.

Кездесу барысында инспектор М.Құсайнов тәрбиеленушілерге буллингтің түрлері (психологиялық, физикалық, әлеуметтік, кибербуллинг) туралы нақты мысалдар келтіріп, олардың бала психологиясына тигізетін кері әсерін түсіндірді. Сонымен қатар, киберкеңістіктегі қауіпсіздік ережелері, әлеуметтік желілерде этикалық нормаларды сақтау, агрессия мен қудалау әрекеттерінің заңмен қудаланатыны туралы айтты. Тәрбиеленушілер тақырып аясында сұрақтар қойып, өз пікірлерімен бөлісті. Инспектор оларға қажет болған жағдайда кімге жүгіну керек екендігін, мектеп пен құқық қорғау органдары тарапынан көмек алуға болатынын түсіндіріп өтті

«Сана қалыптасар шақта дұрыс діни тәрбие – өмірлік жолдың шамшырағы» Жамбыл облысы әкімдігінің білім басқармасы Шу ауданының білім бөлімінің А.С.Макаренко орта мектебінің 6-10 сынып оқушыларының діни сауаттылығын арттыру, дін туралы түсінігін кеңейту, діни ағымдардан сақтану туралы түсініктерін кеңейту мақсатында 12 желтоқсан күні «ДПЗО»“Дін проблемаларын зерттеу орталығы” КММ-нің теолог маманы Н.Бахтиярмен «Дін және ұлттық тәрбие» тақырыбында кездесуі ұйымдастырылды.

Іс-шараның мақсаты – оқушылардың діни сауаттылығын арттыру, жат діни ағымдардан сақтандыру, рухани-адамгершілік құндылықтарды қалыптастыру.

Кездесу барысында теолог маман:

- Қазақстанда ресми тіркелген дәстүрлі діндер туралы;

- Радикалды діни ағымдардың белгілері мен зардаптары туралы;

- Жасөспірімдердің интернет кеңістігінде сақ болуы;

- Дін мен дәстүр сабақтастығы жөнінде терең әрі нақты ақпараттар берді.

- Оқушылар тарапынан көкейкесті сұрақтар қойылып, теолог маман тарапынан жан-жақты жауаптар берілді. Сонымен қатар, діни тақырыптарда бейтаныс адамдармен байланыс орнатпау, күмәнді сайттар мен парақшаларға кірмеу туралы ескертіліп, тақырып аясында төрт минуттан тұратын бейне ролик көрсетілді. Теолог маманы ролик бойынша оқушылардан ойларын сұрап, әр іс-әрекетте дұрыс шешім шығару керектігін айтып өтті.

Ұйымдастырылған іс-шара оқушылардың дін туралы білімін кеңейтті, жат ағымдарға қарсы иммунитет қалыптастыруға ықпал етті.